Katër shtetas shqiptarë janë evakuuar së fundmi nga territori i Izraelit, dy përmes Jordanisë dhe dy përmes Egjiptit.

Kështu bën të ditur Ministri për Evropën dhe Punët e Jashtme i Shqipërisë, Igli Hasani përmes një postimi në Facebook, shkruan Arbresh.info.

Sipas tij, qytetarët ndodheshin në zonën e konfliktit për arsye profesionale dhe familjare.

Hasani  falënderoi autoritetet izraelite, jordaneze dhe egjiptiane, si dhe Ambasadën Austriake në Tel Aviv, për bashkëpunimin në këtë proces. Sipas tij, koordinimi i ngushtë me ambasadat shqiptare në Tel Aviv dhe Kajro ka mundësuar largimin e sigurt të shtetasve shqiptarë nga territori izraelit.

“Vijojmë të ndjekim me përparësi çdo rast të qytetarëve shqiptarë të prekur, të cilët kërkojnë asistencë nga institucionet tona,” ka shkruar ai./Arbresh.info/